【興趣嘅嘢】有錢買唔到 007激罕珍藏大晒冷

珍藏，有人認為花錢就能擁有，但在007死忠胡慧沖的心目中，珍藏並非與金錢掛勾。天時地利感情緣份，缺一都不可成「珍」。

「呢隻錶我細細個有過，係阿爺送畀我嘅。」錶面寫着007《For You Eyes Only》、即《鐵金剛勇破海龍幫》(1981)，一按掣便有007主題曲播出。雖價錢不及第二位的Seiko M354 Memory Bank Calendar(來自1979的《鐵金剛勇破太空城》)，和第三位的OMEGA THE SEAMASTER 300 “SPECTRE” LIMITED EDITION (今年的《007：鬼影帝國》)，不過這小小的電子音樂錶，卻是胡慧沖的首位占士邦錶。他續道：「我記得嗰時喺TVB服務站買嘅，賣百幾蚊港紙，不過當時百幾蚊都算貴。」

007的古董玩具、海報、書籍和印水紙等，都各據胡慧沖的珍藏排行榜。但要數到最珍貴的，胡慧沖立即拿出一本環保書高叫：「呢本書全世界全宇宙得一本！」

原來當年的《少年漫畫王》（即係好似《EX-am》 或《週刊少年Jump》漫畫合輯 ），每期都會有1至2頁漫畫圖解，題材可能是恐龍大百科或飛碟設計圖之類。而這本環保書，就是有位日本的007迷，將很多很多很多很多頁（黃頁咁厚，都唔知用咗幾多本書）有關007的圖解撕了下來，集合成為一本環保書！難怪能成為胡慧沖珍藏榜的第一位了。