一直有人追 長期撻唔着 高海寧：遇到啱就識愛

高海寧擇偶謹慎，不會為了想拍拖而拍拖。

「叉足電」返港開工的高海寧，於訪談節目中大方提起前度、音樂才子鄧智偉，自爆分手後感情生活歸零，雖然身邊有追求者施展攻勢，但一直都未能奪取其芳心。論擇偶條件，她不諱言接受到姊弟戀，惟現階段保持單身，skechers  outlet不會為拍拖而拍拖。高海寧（高Ling）昨日現身灣仔為黎芷珊主持的節目《單對單》做嘉賓，穿白色貼身背心的她，大顯玲瓏浮凸的身材，火辣程度爆燈。她透露在節目中跟黎芷珊似Girls talk無所不聊，就連感情觀亦侃侃而談︰「傾得好開心，覺得節目會令大家了解我多啲。」

不介意姊弟戀

其中當然不得不談及她跟舊愛鄧智偉的一段情，2人去年被爆已分了手約年半，高Ling坦言回復單身後，感情生活交白卷：「單身咗好耐啦！追求者實有，但要啱先得。（擇偶條件？）我又唔知道自己想點，一向靠感覺。（點解撻唔着？）總之啱先會一齊，唔會為拍拖而拍拖。」又自言一個人生活幾好，不用顧慮其他人感受，可以好好同自己相處︰「已經好充實，一直都好愛自己。（會唔會變得唔識愛人？）唔會啦！遇到啱就識愛。」她表示不會規限另一半國籍、年紀，hey dude就算年紀比她小也不成問題。

享受單身旅遊

另外，她放了一個悠長假期，隻身去海南島三亞衝浪5日，變得更瘦更Fit︰「覺得一個人去旅行要好有勇氣，一直想做，只係冇一個好時機，今次呢個決定係極之好，畀我見識同體會多咗好多。每日喺三亞都好Chill，明白到咩係生活，以後放假都會去遊山玩水，打算遲啲喺香港搵個安全區域遊船河同衝浪。」