鄭衍峰同馮盈盈最有默契

前港姐冠軍馮盈盈前年底與「地下情」未足1年的大隻主播鄭衍峰分手，但再見亦是朋友，不時合作。前晚2人聯同汪明荃（Liza）、安德尊等為無綫慈善大騷《金虎獻瑞耀保良》任司儀，期間有不少互動。鄭衍峰受訪時，直言與盈盈合作有默契，又說：「好佩服Liza姐，由年廿九倒數、年初一開年騷同夜晚個慈善騷都見到佢！」

同場的蘇韻姿表示節目滿足了她的2個願望：「好開心同『演鬥Band』一齊Jam歌，我本身好鍾意唱歌，算係圓咗我嘅歌手夢。可以喺台上表演，成個感覺超正，唯一缺陷係多少少綵排仲好，等我可以感受多幾次！」獻唱之外，她又偕《皆大歡喜》一眾前輩合演短劇，獲益良多：「《皆大歡喜》時裝版同古裝版，我都有追到實咁睇，能夠同佢哋合作，係一件好神奇嘅事，好驚甩對白，好彩冇乜大問題。」此外，鄭俊弘、王灝兒、馮允謙等亦落力獻唱，為慈善出力。