馬清揚首開腔回應與港姐林鈺洧「撐檯腳」事件：我現在單身，來往實屬正常

現年29歲、2022年香港小姐冠軍林鈺洧（Denice）近日被傳與香港大生銀行後人、錢慧儀前夫馬清揚撻着，《星島頭條》更接獲讀者爆料，指兩人每星期有數天均會在中環撐枱腳，更附上一張兩人一同用餐的照片。馬清揚近日向《星島頭條》就事件作出回應，直言自己現時單身，與Denice有來往實屬正常，希望傳媒「畀啲空間佢」。

馬清揚：佢係純品嘅女仔

近日有報道指林鈺洧與馬清揚成為「密友」，消息已在社交界傳開，對於兩人目前的關係，馬清揚向《星島頭條》獨家剖白，他說：「關於前日嘅新聞，我同Denice喺唔同慈善場合認識，我認識嘅佢係一個好好同純品嘅女仔， 佢係細路女，希望你哋畀啲空間佢。而家佢係以事業為重，我而家都係單身，我同佢嘅來往實屬正常。」馬清揚還說：「有關佢架車停泊喺屋苑，係因為嗰晚有慈善活動慶功宴而飲酒慶功不適宜駕駛，我叫司機將佢架車停泊喺屋苑，等佢隔日拎返。」

林鈺洧馬清揚交往是「蘭桂坊公開嘅秘密」

近日有指林鈺洧曾被目睹駕着名貴跑車，進出馬清揚位於山頂的豪宅，更指兩人不時出席朋友聚會。其後有爆料人士透露，林鈺洧每逢周三均會陪馬清揚到蘭桂坊一間夜場消遣，更指兩人交往是「蘭桂坊公開嘅秘密」！《星島頭條》更曾接獲讀者爆料並附有一張兩人一同用餐的照片，相中所見林鈺洧與馬清揚正在中上環一間日式餐廳用膳，馬清揚打扮亦相當年輕。