石原聰美戴千三萬珠寶領獎喊驚

有份做電影《進擊的巨人》嘅日本女星石原聰美，噚日出席咗由日本珠寶業界舉辦嘅活動，佢被日本珠寶業界選為今年嘅「Woman of the Year」，即係最佳配戴珠寶首飾嘅女星，石原就扮到靚靚咁去領獎。

既然係最佳配戴珠寶首飾女星，石原當然會戴住啲名貴珠寶首飾出席，佢身上嘅珠寶總值2億日圓（約港幣1,300萬），石原話戴住咁貴嘅首飾，簡直感覺到壓倒性咁緊張喎。而被問到想唔想有男士突然送珠寶畀佢，石原話未試過，佢其實好怕人畀咁大驚喜佢，因為冇心理準備，佢寧原有準備好過要驚喜喎。