CHILL CLUB頒獎禮｜ FIESTER翻唱《愛情當入樽》惹負評 網民：唱得差過Twins

CHILL CLUB頒獎禮｜ FIESTER翻唱《愛情當入樽》惹負評 網民：唱得差過Twins

ViuTV年度音樂盛事《CHILL CLUB 推介榜年度推介23/24》喺噚晚（12日）圓滿結束，今年頒獎禮以「人人樂壇 音樂第一」作為主題，頒獎禮一如以往邀請不同海外歌手及本地歌手到台上表演，等一眾樂迷可以欣賞唔同類型嘅音樂。不過噚晚嘅演出唔係個個都獲得網民讚賞，好似女子樂隊FIESTER喺「Screaming In The Unverise」中嘅演出就被洗版式負評。

喺第三部分嘅演出「Screaming In The Unverise」以重金屬音樂為主，並邀請FIESTER、Instinct of Sight、凡枯、Maniac及Marf邱彦筒作為表演單位。打頭陣嘅女子樂隊FIESTER就選擇翻唱Twins嘅《愛情當入樽》，可惜佢哋嘅版本引起網民洗版式負評，例如「嘩 乜料」、「fiester連twins都唱唔到」、「全晚唱得最差」、「唱得難聽過twins」、「終於搵到人唱得差過Twins」、「第一次覺得Twins識唱歌」、「仲衰過唱k」、「魔音」、「嚇到即刻mute左部電視聲……」、「完美致敬twins」、「個scream 死腳膠好似勁d喎」、「唱到0初戀feel」及「走音走到，簡直用恐怖黎形容，佢真係夠膽死對住咁多觀衆唱成咁，仲話自己係歌手」等等。

不過亦有網民認為screaming就係咁，留言話「接受唔到新嘢嘅老人家們，建議大家可以去返大會堂聽古典樂或者中樂」、「下，我聽完即刻搵佢地ig follow。兩種風格，我第一次聽女仔唱廣東話screaming，次次睇chill club都有驚喜見識到新野。」及「睇黎香港人真係唔識進化 Scream 係咁架啦」等等。