倪晨曦認自打嘴巴佗第3胎 唔敢嗌封肚：係上天嘅禮物

2024年5月12日週日 上午11:01

【on.cc東網專訊】藝人倪晨曦（Elva）本已是兩子之母，她再將做媽咪，下月便迎來第三位小公子，Elva的母親亦從加拿大到港幫手湊孫，母親節相當熱鬧。Elva在社交網甫出大仔二仔新照，兩子都眼大大有Elva的優良遺傳。她表示佗第三胎感覺不同，體力上明顯跌watt，很容易攰，要多作休息才能應付得到。情緒方面就無太大起伏，佗B期間她更加想工作：「因為做嘢時，我有Me Time，有自己空間，心情更輕鬆。如果人喺屋企，家庭就佔據晒我所有時間。」

Elva今胎都是仔，一屋都是男仔，她覺得小朋友是上天賜予的禮物，會接受，覺得全部仔也有好處，就是不用四處張羅女孩用品。但問到生完今胎就封肚？她笑說：「記得生完第二胎個個問我係咪唔再生，我話唔生喇！點知自打嘴巴又有第3個，今次我唔答呢個問題，隨緣，哈哈！」近日幼園出現停辦結業潮，她亦有留意到，指哥哥就讀的幼園好穩定，估計細佬都會入讀，暫時不用擔心。