全民造星4｜靚女醫生咖喱辭職勇敢追夢 跌入淘汰區獲網民支持：希望咖喱醫生可以復活

ViuTV皇牌選秀節目《全民造星IV》正在熱播，今季賽制比過去更殘忍，首輪由96位女參賽者進行一對一即時淘汰，務求打造全能女團。噚晚（9日）嗰集就有2號咖喱對9號Hannah，咖喱原本係一名公立醫院醫生，再加上佢外貌及身形討好，出場後旋即獲得網民關注。

現年27歲嘅咖喱（黃雅慧），原本係一名公立醫院醫生，不過佢認為應該趁年輕去做自己想做嘅事，所以佢選擇放棄高薪厚職，辭去醫生工作勇敢追夢。除咗高學歷背景之外，咖喱外貌及身形亦相當養顏。喺噚晚嗰集，咖喱身穿鬆身外衣配上性感小背心，跳唱英文歌《Price Tag》，期間導師梁祖堯直指佢外貌似48歲，skechers outlet及因甩beat而輸俾表演現代舞嘅Hannah。雖然咖喱跌入淘汰區，不過獲得網民高度關注，紛紛留言支持及好希望佢可以復活，例如「咖哩很好呀！靚女，又爽，又會照顧人感受，有義氣..真心鐘意呢個女仔喎」、「醫生有種型格係好特別」、「咖哩咁靚，把聲又得，一定入得返」、「希望咖喱醫生可以復活 佢適合做隊長」、「Dr.咖喱好正希望佢可以復活」、「醫生好靚女，又好心地又慈悲，唱得又跳得，醫生已經有女團的優點！一定要復活」、「屈晒機 又靚又叻」及「咖喱好靚女，有種好特別嘅氣質，又有學識。好過好多所謂港姐！ViuTV 唔好放佢走啊!」等等。