吳彥祖設計「雙環蒙古包」星空圖書館 入圍「建築界奧斯卡」

吳彥祖《漂亮的房子》大顯身手

浙江衛視熱門節目《漂亮的房子》，節目由吳彥祖率領五位藝人包括馮德倫、唐藝昕、伊一、黄仁德及潘宥誠組成施工隊，聯同資深建築師張海翱，遠赴浙江、安徽、福建等地為老舊的房子進行大改造。

吳彥祖 名校建築系出身

咁點解節目會邀請吳彥祖作為團隊的領導？吳彥祖高大有型係男神就眾所周知，但其實佢出身美國名校俄勒岡大學(University of Oregon)建築系，係名副其實的建築專才，自然成為《漂亮的房子》的不二人選！吳彥祖在節目中被稱為「吳工」，不時發揮在建築設計及木工方面的優秀技能，事事親力親為，專注工作的男人真係man到爆！

「雙環蒙古包」圖書館

而今次節目中的壓軸作品，並唔係為舊房子翻新，而係由吳彥祖領導的團隊由零開始建造！呢座外貌獨特的圖書館位於內蒙古草原接壤的木蘭圍場，一望無際的大草原，有不少農牧人家居住於此。於是吳彥祖想到以傳統蒙古包作藍本，室內設計則加入現代意念，最後建築師張海翱採用了「雙環蒙古包」設計，象徵吉祥如意的「雙環」。

入圍「建築界奧斯卡」

圖書館又被稱作「星空圖書館」，屋頂設計成一個「觀星閣」，人們晚上可透過玻璃頂夜觀星空；天窗亦是採光口，日間令室內更加明亮，又靚又環保！更厲害係入圍了被譽為「建築界奧斯卡」的英國皇家建築師學會獎，認真巴閉！

圖書館中除了寬敞、舒適的公共空間，另外更有六個方形盒子設計的房間，作為睡房、餐廳、客廳等，全部都採用落地玻璃窗設計，人們可飽覽美不勝收的草原景色！

夜晚睇就更靚，喺一片荒蕪大草原中非常耀眼！