家庭美滿？陳自瑤：總之好開心！

馬德鐘、陳自瑤、曹永廉及楊卓娜等昨午出席無綫新劇《有種好男人》開鏡拜神，有份參演的李佳芯因病缺席。戲中陳自瑤演馬德鐘姑姐，對手戲頗多，她說：「2004年合作過《四葉草》，當時馬德鐘演我哋嘅教練，群戲比較多，所以今次算係首次真真正正合作，工作人員讚我哋好有默契，成日笑到標眼水﹗」馬德鐘亦讚她勤力又認真。

談到憑劇集《寶寶大過天》入圍台慶頒獎禮「最佳女配角」5強，陳自瑤說：「平常心啦！都有少少緊張嘅，4位對手都好強。（性感出席？）依家搵緊衫。（問老公王浩信意見？）工作上嘅嘢自己話事。（你哋喺網絡交流，互相支持喎！）好多人都好支持我，咁啱佢有新戲上，見佢拍得好辛苦，想支持吓啫！（關係好咗？）都係支持吓，唔好諗到咁複雜。（今年家庭、事業都好美滿？）唔回應咁多喇！總之好開心啦！」