戒毒做美魔女　酒井法子再影水着賀入行30周年

45歲日本女星酒井法子曾經紅遍中港台，自從佢09年驚爆吸毒消息後，健康形象跌至谷底，幸好近年復出仍得一班大中華地區死忠fans支持，令酒井開親騷都出現爆買嘅搶飛情況。

今年係酒井入行30周年，佢早前接拍禁毒復出後首個日本廣告，既宣佈年底舉行dinner show，又相隔16年再開日本演唱會，近日佢喺微博公開綵排花絮。酒井近期可謂搏到盡，佢喺11月會推出限量2000盒嘅紀念box set，新一期雜誌《Flash》公開當中寫真集嘅性感寫真，仲用作今期封面，45歲嘅酒井依然省鏡，穿起泳裝仍十分有睇頭，被讚戒毒後已回復最佳狀態。

而唔少網民都大讚酒井keep得好好，係日本美魔女嘅代表。