最hea港姐｜張舒雅卸任12年生活仍舊休閒 Fit爆身型成酒吧老闆娘

香港小姐競選係每年觸目盛事，ecco shoes今屆港姐舉行在即，網民又再就過往多屆嘅港姐作出討論，2008年香港小姐冠軍張舒雅就係其中之一。張舒雅當年喺賽前緋聞多多但仍當選成為冠軍，不過佢就係唯一一個無履行港姐使命嘅冠軍，被貫以「最hea港姐」之名。

張舒雅當年當選短短一個月就向TVB請病假，唔出席任何活動之餘亦退選世界小姐及國際中華小姐競選，一邊話病嘅同時一邊同男友夜蒲，生活多采多姿。TVB就因為咁而決定將張舒雅雪藏，禁止佢出席2009年港姐決賽，亦成為無為下屆港姐加冕嘅第一人，之後TVB再無為佢安排工作，換言之亦無再喺熒幕前見到佢。家境富裕嘅張舒雅，屋企人經營珠寶生意，卸任後都係做過一排模特兒。佢曾經接受訪問就話當年參選，係因為媽媽叫佢訓練儀態，並無諗住喺娛樂圈發展，亦指唔介意畀人話hea，認為hea住生活其實係一件好事。

雖然張舒雅甚少喺IG分享近況，但每次嘅照片唔係去旅行，就係約朋友下午茶，生活睇落仍然優哉游哉；而近日就有媒體影到張舒雅休閒放狗，hey dude shoes卸任12年，但仍保持Fit爆身型，同時有指佢近年進修珠寶設計，準備接手家族生意之餘，更同朋友合資開酒吧。