林鍾大戰︱林作冇瞓低 鍾培生打足4個回合勝出
林作與鍾培生嘅「林鍾大戰」於今晚（9月18日）舉行，呢場世紀大戰讓大家等足半年！開打前林作和鍾培生分別出場，接受現場觀眾的熱鬧掌聲。hey dude shoes2人出賽前先由樂隊LMF獻唱「暖場」，之後佢哋壓軸出場，林作唔使1分鐘就行咗出嚟，但鍾培生就「擺姿態」搞咗成10分鐘先落場。
林作全程係咁避，被笑似「Running Man」。
鍾培生最後都冇打到林作瞓低。
第一回合，林作採取逃跑戰術，鐘聲一響就不斷閃避，而鍾培生則一直追住佢跑，被現場評述話林作似「Running Man」。直到鍾培生追上後，林作卻攬住鍾培生不放。旁述更笑言：「林作用金蛇纏絲手纏住鍾培生。」hoka shoes到第二回合，林作採用同一戰術，旁述梁榮忠取笑佢：「睇嚟林作好鍾意交換汗水。」最後經裁判警告後，林作與鍾培生先有幾番交手。
到第三回合，林作嘅體力慢慢回落，雖然出拳大開大合，成個人「大搖大擺」，但間中仍擊中鍾培生，相反鍾培生就多次出拳打中林作。到最後第四回合，林作臉上開始有啲傷勢，但打法仍然非常消極，多次趁機攬住鍾培生，而且腳步都唔太穩。最後鍾培生都唔能夠KO林作。鐘聲打響後，鍾培生教練團隊走上台指罵林作，被裁判、林作教練阻止，一班黑衫保安亦衝上台，場面頗為混亂。最後大會宣布鍾培生勝出。林作於台上受訪，雖成為輸家但依然牙擦，並表示：「我唔小心打爆佢個鼻。」鍾培生即反駁：「冇，係我打爆佢個嘴。」而現場所見，林作個嘴的確又紅又腫，鍾培生面上則唔見有傷痕，鍾培生之後仲話：「希望林作學識尊重人，唔好恰女人同抽少啲水。」