洪永城剝香香底褲唐詩詠嚇到O嘴

無綫《萬千星輝賀台慶》錄得平均30點收視，是今年至今最高收視的節目，昨日唐詩詠、江美儀、黃長興、麥明詩、陳庭欣和王君馨等在將軍澳出席祝捷會。提到洪永城前晚在新劇《實習天使》中為岑麗香急救時，脫去對方內褲並取去棉條，唐詩詠一臉驚訝：「吓，係咩？我冇睇，TVB要靠呢樣嘢攞收視。（男友有冇幫你買女性用品﹖）好怕男仔買呢啲。（會唔會睇番劇集？）咁激，都會睇吓，想參考吓點做。（洪永城有冇請教你？）冇，可能佢有經驗呢！哈哈！」

對於陳煒和萬綺雯傳不和，江美儀說：「吓？冇聽過喎！蚊蚊唔會嘅，係咪誤會，見佢哋又冇乜嘢。」而陳煒接受電話訪問時說：「『似臨記』呢句嘢咁多年嚟聽都冇聽過。」