港鐵驚現幪面女

大家搭地鐵或火車時，通常都會玩手機、睇書，而女士們有時可能為爭取多些休息時間，化妝就只好於坐車時進行！而近日，有網友影到其中一位搭緊港鐵嘅女乘客，驟眼睇該女士面無血色好嚇人，再細心睇原來佢敷緊mask！

為了達致最佳效果，該女士閉上雙眼敷足廿多分鐘，先施施然撕走面膜，之後再用手輕輕按摩面部，嘩，即刻成個人靚晒！

其實，曾有報道指范冰冰因忙到爆，連敷mask時間都冇，惟有戴住面膜出街。講真，成塊面白潺潺，夜媽媽真係幾嚇人！