鄺潔楹倪晨曦爭做馬尾女神!盤點香港女星清爽又可愛馬尾造型
![](https://www.cnhkyl.com/wp-content/uploads/2024/07/image-12-1024x538.png)
近日有韓妹紮馬尾氹男友的影片在網上瘋傳,令網民極為心動!其實圈中好多女星最鍾意隨意紮馬尾,貪其清爽簡單得來又有親和力,做運動又夠方便,最緊要能夠突出五官又減齡,即時young晒!
1.鄺潔楹 秒變學生妹
笑容甜到漏,身材又細細粒,本來已經可愛爆燈,再加埋條馬尾,令鄺潔楹時光倒流變學生妹,好似回到少女時一樣!
![](https://www.cnhkyl.com/wp-content/uploads/2024/07/image-13.png)
2.陳欣妍紮馬尾做運動
陳欣妍成為啤酒代言人後,自爆為拍好廣告勤做gym集中操臀,終於練成迷人蜜桃臀喎!其實點止蜜桃臀吸引,每日睇佢紮住馬尾做運動都係享受。
![](https://www.cnhkyl.com/wp-content/uploads/2024/07/image-23.png)
3.倪晨曦幹練女強人
最近誕下第三胎BB的倪晨曦,一向擁有高䠷Model身型,無輪長髮短髮都能輕易駕馭,紮起馬尾,意外地給人一種幹練的女強人感覺,充滿新鮮感。
![](https://www.cnhkyl.com/wp-content/uploads/2024/07/image-22.png)
4.王卓淇沉迷美圖
最鍾意喺社交網晒身材、晒長腿,王卓淇亦都因此成功達到吸納粉絲目的。不過過分沉迷用濾鏡美圖變身都唔係好事,王卓淇張張相都唔同樣,手臂又離奇變形。
![](https://www.cnhkyl.com/wp-content/uploads/2024/07/image-20.png)
5.張曦雯 變貼地女神
劇接劇、幾乎所有角色都係高尚專業人士,去到邊都係一副女神格,張曦雯紮起馬尾上嚟其實除咗減齡之外,仲變得親和又貼地。
![](https://www.cnhkyl.com/wp-content/uploads/2024/07/image-21.png)
6.戴祖儀學霸女神
識唱又識演、外形討好上位極速,戴祖儀仲係會考8A狀元喺英國名牌萊斯特大學法律系畢業,其實馬尾喺學霸女神身上一樣適用。
![](https://www.cnhkyl.com/wp-content/uploads/2024/07/image-15.png)
7.梁茵鄰家女孩
平民出身公屋長大,梁茵一向渾身鄰家女孩平實氣質,其實紮條馬尾簡單又清爽,真正做番自己。
![](https://www.cnhkyl.com/wp-content/uploads/2024/07/image-19.png)
8.何依婷馬尾look見清純
由細到大被媽媽悉心栽培做到一級榮譽畢業生、英美名牌大學交換生再當選埋港姐亞軍成為樂易玲力捧新歡,其實何依婷都有簡單清新一面,馬尾學生look更見清純,不過個妝如果化淡少少會更煞食。
![](https://www.cnhkyl.com/wp-content/uploads/2024/07/image-18.png)
9.林穎彤 輕熟女氣質
14歲已經出道拍戲做model,年紀輕輕嘅Bella林穎彤演藝經歷其實好資深。有心搣甩個大唔透娃娃臉,Bella呢個髮型證明梳馬尾其實都可以有輕熟女嘅氣質,成熟得嚟不失可愛。
![](https://www.cnhkyl.com/wp-content/uploads/2024/07/image-17.png)
10.余思霆添青春氣色
17年華姐冠軍余思霆招牌長髮貴氣又有女人味,梳起馬尾一樣省鏡仲加添幾分青春氣色。
![](https://www.cnhkyl.com/wp-content/uploads/2024/07/image-16.png)