陳奕迅名字變商標 為港人護聲
陳奕迅（Eason）前晚出席adidas Originals活動，對於好友謝霆鋒推出「鋒」字品牌，原來Eason更早着先機，斥巨資把「奕」字在世界各地做註冊商標，相反他的聲線則是屬於全香港市民，要小心護聲。
陳奕迅覺得自己的聲線是屬於全香港市民。
Eason在活動中以和平手勢來打手印，喜歡創作的他，提到好友謝霆鋒以「鋒」字品牌開網店，問Eason可會將名字註冊？他笑謂：「你講個『迅』字？唔講住，怕講咗出嚟畀人爭，一陣周迅同我爭喎。」
潘迪華送禮
不過，Eason之後自爆早已將「奕」字註冊，原來Eason當年幫前輩潘迪華工作，事後潘迪華貼心地找人以篆書設計了個「奕」字，再刻了個圖章送給他，後來Eason成立公司，便用了圖章中的「奕」字做公司中文商標，Eason謂：「喺內地、全世界都註冊晒，用咗唔少錢，但註冊咗都要有個系統保持番個原創先。」
|
|
Eason亦留意到內地的「山寨版」蠟像館：「我要再努力先有資格成為藝術品之一。」談到山寨版章子怡蠟像的髮線比Eason的還高，Eason謂：「藝術品係畀人評論嘅，有唔同睇法。」
髮型似雀巢
問Eason有否考慮將髮型註冊？他說：「我個髮型周街都係，你估個雀巢易整0架，幾多口水整埋先變到個雀巢呀。其實髮型、個妝都唔屬於我，係屬於髮型師同化妝師，就算把聲都唔係屬於我，有人同我講，我把聲係屬於全香港，所以要我好好保護把聲。」