陳柏宇攜女兒現身杏花新城活動 陪玩彈床全力放電

為迎接4年一度的國際體壇盛事，杏花新城舉辦「杏運Summer Fun 2024」，為小朋友帶來繽紛大型充氣水果樂園，陳柏宇（Jason）及其女兒Abigail（Abi）昨日齊齊出席活動揭幕禮，Jason笑指：「Abi聽到有彈床玩就即刻話要跟埋過嚟，仲有本地設計師創作嘅得意角色影相打卡，玩到攰又肚餓就即刻可以搵餐廳坐低食嘢，嚟緊放暑假都計劃咗一家人去唔同地方遊玩兼做運動，呢度有齊唔同嘅運動品牌，可以一次過買齊運動裝備，啱晒我同太太湊住兩個小朋友唔使周圍走！」其後Jason即刻瞓身落場同囡囡一齊與粉絲Battle，挑戰難度升級版的「123紅綠燈」及「彈床糖黐豆」，囡囡全程投入，Jason亦全程護航，場面緊張刺激又溫馨！

陳柏宇（Jason）及其女兒Abigail（Abi）昨日齊齊出席活動揭幕禮。

跟觀眾一齊玩遊戲。

Jason說大女比較活潑好動，特別鍾意做運動。

玩完遊戲，Jason更即場獻唱《有天》。

囡囡Abi更化身小粉絲為爸爸打氣。

Abi愛玩彈床，Jason當然奉陪到底。

玩完遊戲Jason更即場獻唱《有天》，掀起全場高潮！囡囡Abi即化身小粉絲為爸爸打氣，被問到會否教女兒們唱歌，Jason回應：「作為家長，希望提供機會畀小朋友自己多探索！家姐（Abigail）比較活潑好動，特別鍾意做運動、游水、曬太陽。今個暑假就啱晒佢啦，一家人可以一齊睇國際體育賽事。大家都要多多支持睇直播，為一眾運動員打氣！」