陳靜冇見男友幾個月

藝人陳靜昨日出席在港舉行的遊戲機活動，她透露早前主力在內地拍了四部電影，其中一部更到了意大利取景個多月，她說：「其實都幾悶，後期因為唔知食乜，買咗個飯煲喺房打邊爐。」問到意大利有否艷遇，她表示：「當地人和工作人員都有靚仔0架，但自己工作在身都沒有交流，只有拍照留念。」

問到與現任男友關係如何？她指大家仍了解中，並說：「其實識咗好多年，依家拍拖唔似以前咁，淡然啲可以。因為佢係台灣人所以好少見面，對上一次係幾個月前。佢明白我工作和性格，大家互相信任。（七夕點慶祝？）大家透過手機聯絡，都有祝福說話嘅。」