韓媒爆新韓流四大天王酬勞

近來，演員周元、金秀賢、李敏鎬和李鐘碩被封為韓流新“四大天王”，在輿論鋪天蓋地對四人進行報導的同時，他們的片酬也成為關注焦點。

近日新一代韓流天王轉咗人選，原本有份佔據天王位置嘅金宇彬未知係唔係因為自前年嘅《繼承者們》後都有新劇推出關係，所以佢就被另一黑馬周元取代咗佢個位，現時同金秀賢、李敏鎬同李鍾碩齊齊被封「新韓流四大天王」。

而KBS嘅新聞節目中嘅「演藝手冊」環節就邀請到娛樂圈知情人士，對新韓流四大天王嘅片酬做大起底，當中以金秀賢同李敏鎬索價最高。

根據節目所講，金秀賢因為神劇《來自星星的你》後紅爆亞洲，特別喺內地佢嘅人氣更可以首屈一指，所以喺內地佢每錄製一個綜藝節目嘅酬勞就高達5億韓圜（約324萬港元），內地嘅廣告價亦高達20億韓圜（約1,300萬港元）。

至於李敏鎬同樣作為韓流巨星，喺亞洲擁有極高人氣，李敏鎬喺內地嘅出場費就達8.43億韓圜（約547萬港元）。

近期憑《龍八夷》人氣急升嘅周元，佢成功踢走金宇彬做四大天王，酬勞亦自然增加，據知佢演出劇集《好醫生》時，每集的片酬約為2,000萬韓圜（約13萬港元），而之後嘅《明日如歌》周元每集嘅片酬已升到6,000萬韓圜（約39萬港元）。

而李鍾碩嘅片酬亦不容小覷，佢幾部劇集都有高收視，所以佢近年嘅身價暴漲不少，片酬等同韓國實力派演員。