SMAP唔解散！尊尼社長派定心丸

日本偶像天團SMAP年頭傳出解散消息，震驚亞洲，雖然五位成員之後於節目中「被道歉」，有唔少粉絲當時就擔心幾位會因為經理人離開而要解散，仲講到佢哋嘅合約今年9月就到期，到時好大機會唔續約，唔少粉絲都勁擔心！

尊尼事務所嘅社長一直未有表態。不過日前佢就現真身出席舞台劇發布會，仲主動同記者講SMAP解散嘅事。佢話自己1月嗰時身體不適入院，五子道歉之前都係見過一次面。佢又話SMAP就好似佢嘅親生仔一樣，唔會解散，成員亦都唔會離開事務所。咁樣講法，似乎係想再次安撫一班粉絲，社長仲話今年係SMAP出道25週年，將會搞大型慶祝活動。